ဘဝတစ်ခုကို၊အရင်းပြုပြီး
လူဖြစ်ခွင့်ရခဲ့ပေမဲ့၊သူတကာလိုတော့
ကမ္ဘာမကျော်ခဲ့ပါဘူး၊
အေးချမ်းတဲ့ဘဝလေးကို
ထာဝရပိုင်ဆိုင်ချင်ခဲ့သူပါ။
မဲမှောင်ညစ်စုတ်နေတဲ့
ဆွေးမြေ့ကျပ်ခိုးတွေနဲ့အတူ
အကြိမ်ကြိမ်၊အခါအခါ
အသက်ရှင်ခဲ့ဖူးတယ်။
အိပ်မပျော်တဲ့၊ညတွေနဲ့ အတူ
အနာဂတ်ဟာလည်း
ပျောက်လုနီးပါးဖြစ်ခဲ့ဖူးတယ်၊
ကဗျာတစ်ပုဒ်ရေးလက်စနဲ့လည်း
အသက်ရှူမဝအောင်၊မွန်းကြပ်ခဲ့ဖူးတယ်။
ဆန္ဒဆိုတဲ့အရာကို၊ဖြည့်ဆည်းဖို့အတွက်
ဘဝဆိုတဲ့အရာက၊ထပ်တူမှမကျခဲ့ဖူးတာ၊
ငါ့ဘဝ၊ငါ့မျှော်လင့်ချက်တွေ
မပျောက်ပျက်အောင်၊ကာရံမညီတဲ့
ကဗျာတစ်ပုဒ်ကို၊အမှားများစွာဖြင့်
ရေးခဲ့မိတယ်။
ဝေဟင်မှာပျံသန်းနေတဲ့
ငှက်ကလေးတစ်ကောင်အတွက်
မိုးတိမ်ကင်းစင်ပါစေလို့
ငါ၏စိတ်တွင်၊အခါမလပ်
ဆုတောင်းမိပါရဲ့..........
ငယ်ဆူး
-
No comments:
Post a Comment